HOW APPLY VOTER ID CARD ONLINE IN TAMIL | VOTER ID APPLY ONLINE IN TAMIL

ஆன்லைனில் வாக்காளர் அடையாள அட்டைக்கு விண்ணப்பிப்பது எப்படி?

ஆன்லைன் மூலமாகவே மிகச் சுலபமாக வாக்காளர் அடையாள அட்டைக்கு எவ்வாறு, விண்ணப்பிப்பது மற்றும் ஆன்லைன் சரிபார்ப்புக்கு என்ன செய்ய வேண்டும் என்று இங்கே பார்க்கலாம்.

முக்கியமான ஆவணம்!

தேர்தல் வாக்காளர் அடையாள அட்டையானது நமது அடையாளச் சான்றுக்கான மிக முக்கிய ஆவணங்களில் ஒன்றாகும். தேர்தலில் ஓட்டுப் போடுவதற்கு கண்டிப்பாக இந்த அடையாள அட்டை தேவை. தேர்தல்களின் போது ஆள்மாறாட்டம் மற்றும் மோசடியைத் தடுக்க இந்த அடையாள அட்டை உதவுகின்றன. வாக்காளர் அடையாள அட்டையில் ஒரு தனித்துவமான வரிசை எண், அட்டைதாரரின் பெயர், பாலினம், பிறந்த தேதி, தந்தையின் பெயர், புகைப்படம், ஒரு குறிப்பிட்ட மாநிலத்தின் ஹாலோகிராம், தங்கியிருக்கும் முகவரி உள்ளிட்ட விவரங்களைக் கொண்டிருக்கும். குறைந்த பட்சம் 18 வயது மற்றும் நிரந்தர முகவரி கொண்ட ஒரு இந்திய குடிமகன் ஆன்லைன் அல்லது ஆஃப்லைன் முறையில் விண்ணப்பிக்கலாம். வாக்காளர் அடையாள அட்டைக்கு விண்ணப்பிக்க அடையாளம், முகவரி மற்றும் புகைப்படத்தின் சான்று தேவை.

ஆன்லைனில் விண்ணப்பிப்பது எப்படி?

https://eci.gov.in/ என்ற இந்திய தேர்தல் ஆணையத்தின் அதிகாரப்பூர்வ வலைத்தளத்தைப் பார்வையிடவும்.

அதில் National Voters Services Portal என்பதை கிளிக் செய்யவும்.

புதிதாக விண்ணப்பிப்பதற்கு 'Apply online for registration of new voter' என்பதைத் தேர்ந்தெடுக்கவும்.

அதில் உங்களது பெயர், பிறந்த தேதி, முகவரி போன்ற விவரங்களை உள்ளிட்டு முகவரி மற்றும் பிறந்த தேதி போன்ற தேவையான ஆவணங்களை பதிவேற்றம் செய்யவும்.

எல்லாம் பூர்த்தி செய்தவுடன் ’Submit’ என்பதைக் கிளிக் செய்யவும்.

வழங்கப்பட்ட ஐடியில் தனிப்பட்ட வாக்காளரின் அடையாள பக்கத்துடன் இணைப்பைக் கொண்ட மின்னஞ்சல் அனுப்பப்படும். இதன் மூலம் வாக்காளர் அடையாள விண்ணப்பத்தை நீங்கள் கண்காணிக்கலாம்.

விண்ணப்பித்த நாளிலிருந்து 10 நாள் முதல் ஒரு மாதத்தில் வாக்காளர் அடையாள அட்டையை நீங்கள் பெறலாம்.

அடையாள அட்டை கிடைக்காவிட்டால் என்ன செய்வது?

வாக்காளர் அடையாள அட்டை உங்களுக்கு வந்துசேராவிட்டால் நீங்கள் அருகிலுள்ள தேர்தல் அலுவலகத்தில் விசாரிக்கலாம். அல்லது தலைமை தேர்தல் அதிகாரியின் அதிகாரப்பூர்வ வலைத்தளத்தைப் பார்வையிடலாம். உங்களது வாக்காளர் அடையாள எண்ணைப் பயன்படுத்தி உங்களது ஐடி கள்ளத்தனமாக பயன்படுத்தப்படுவதாக சந்தேகித்தால் ஆன்லைனில் உங்களது வாக்காளர் அடையாளத்தையும் சரிபார்க்கலாம். விண்ணப்பதாரர் தங்கள் மாநிலத்தின் தலைமை தேர்தல் அதிகாரியின் அதிகாரப்பூர்வ வலைத்தளம் அல்லது அருகிலுள்ள மாநில தேர்தல் அலுவலகத்தைப் பார்வையிட வேண்டும். அவ்வாறு செய்வதன் மூலம், அவர்கள் வாக்காளர் பட்டியலில் தங்கள் பெயர் இருக்கிறதா என்று சரிபார்க்கலாம்.

நேரடியாக விண்ணப்பிப்பது எப்படி?

மாநகராட்சிப் பகுதிக்குள் வசித்து வருபவராக இருந்தால் உங்களுடைய விண்ணப்பத்தை சமர்ப்பிக்க மாவட்ட ஆட்சித் தலைவர் அலுவலகம், ஆணையர் அலுவலகம், மண்டல அலுவலகம், வருவாய் கோட்ட அலுவலகம் ஆகிய இடங்களில் விண்ணப்பத்தைப் பெற்று சமர்ப்பிக்கலாம். மற்ற மாவட்டங்களில் உள்ளவர்கள் மாவட்ட ஆட்சித் தலைவர் அலுவலகம், வருவாய் கோட்டாட்சியர் அலுவலகம் (வாக்காளர் பதிவு அலுவலர்), வட்டாட்சியர் அலுவலகம் (துணை வாக்காளர் பதிவு அலுவலர்) ஆகிய இடங்களில் விண்ணப்பத்தைப் பெற்று சமர்ப்பிக்கலாம்.

உங்களுக்கு அருகிலுள்ள மையத்தை அல்லது தாலுகா அலுவலகத்தில் யாரைத் தொடர்பு கொள்ள வேண்டும் என்ற விவரத்தை http://elections.tn.gov.in/EPICCENTREADDRESS1.pdf என்ற தளத்தில் சென்று தெரிந்து கொள்ளலாம்.