இந்தியா முழுவதும் உள்ள சிறுகுறு விவசாயிகள் நலனை கருத்தில் கொண்டு மத்திய மாநில அரசுகள் பல்வேறு திட்டங்களை செயல்படுத்தி வருகிறது.
அதில் ஒரு பிரதான திட்டம் தான் பி.எம். கிசான் (PM Kisan) உதவித்தொகை.நாட்டில் உள்ள சிறுகுறு விவசாகளுக்கு ஆண்டுதோறும் ரூ.6,000 வழங்கும் இன்த பி.எம். கிசான் திட்டம் கடந்த 2019ஆம் ஆண்டு தொடங்கப்பட்டது. ரூ.2,000 என ஆண்டுதோறும் 3 தவணைகளாக இந்த உதவித்தொகையானது விவசாயிகளின் வங்கிக் கணக்குகளில் நேரடியாக செலுத்தப்படுகிறது.அதன்படி, கடைசியாக கடந்த பிப்ரவரி மாதம் உதவித்தொகை 19ஆவது தவணைத் தொகை விவசாயிகள் கணக்கில் வரவு வைக்கப்பட்டுள்ளது. இந்நிலையில், அடுத்த 20வது தவணைத் தொகைக்கான காலம் நெருங்கியுள்ளது. வரும் தவணைத்தொகை இந்த ஜூன் மாதம் வரவு வைக்க வாய்ப்புகள் அதிகம் என தகவல்கள் தெரிவிக்கின்றன.இது தொடர்பாக அரசு தரப்பில் அதிகாரப்பூர்வ தகவல்கள் வெளியாகவில்லை. இருந்தாலும், பிப்பரவிக்கு பின் 4 மாதங்கள் கடந்துள்ளதால் இந்த ஜூன் மாதத்தில் ரூ.2,000 பயனாளிகளாக இருக்கும் விவசாயிகளுக்கு கிடைக்க வாய்ப்பு அதிகம் எனத் தெரிவிக்கப்பட்டுள்ளது. மேலும், மத்திய அரசு தகுதியான பயனாளிகளை கண்டறியும் நோக்கில் தேசிய அளவில் பல்வேறு விதிமுறைகளை வரையறை செய்து சரிபார்த்து வருகிறது.பி.எம். கிசான் திட்ட பயனாளியாக தகுதிகள்
- இந்திய குடிமகனாக இருக்க வேண்டும்
- சொந்தமாக விவசாய நிலம் இருக்க வேண்டும்
- சிறுகுறு விவசாயியாக இருக்க வேண்டும்
- வருமான வரி கட்டாதவராக இருக்க வேண்டும்
- ரூ.10,000க்கும் குறைவாக ஓய்வூதியம் பெறுபவராக இருக்க வேண்டும்
இந்த தவணைத் தொகையை பெற e-KYC நடவடிக்கையை பூர்த்தி செய்தல், ஆதார் எண்ணை வங்கிக் கணக்கு எண்ணுடன் இணைத்தல், விளைநிலம் குறித்த சரிபார்ப்பை பூர்த்தி செய்தல் ஆகியவற்றை கட்டாயம் செய்து முடித்திருக்க வேண்டும்.சம்பந்தப்பட்ட விவசாயிகள் e-KYC நடவடிக்கையை மேற்கொள்ள, PM Kisan ஆப்பை கூகுள் பிளே ஸ்டோரில் இருந்து டவுன்லோட் செய்து கொள்ளலாம். அப்படி தனியாக ஆப் மூலமாக பதிவு செய்ய முடியாதவர்கள் அதிகாரப்பூர்வ PM Kisan வலைதளத்தின் மூலமோ அல்லது அருகிலுள்ள CSC மையத்தை அணுகியும் விவசாயிகள் e-KYC ஐ பூர்த்தி செய்யலாம்.
0 Comments