சோலார் பேனல் துறையில் வேலை செய்ய ஆசையா ? அப்போ அரசின் இந்த பயிற்சியில் கண்டிப்பா சேருங்க

 சமீப காலமாக பூமி வேகமாக வெப்பமடைந்து வரும் பிராசஸை நிறுத்துவதற்கான வழிகள் நோக்கி உலக நாடுகள் ஓட ஆரம்பித்துவிட்டன.

இதனால் புதுப்பிக்கத்தக்க ஆற்றல்களை உற்பத்தி செய்வது மற்றும் பயன்படுத்துவதற்கான தேவை மற்றும் அவசியம் ஏற்பட்டது.அப்படி புதுப்பிக்கத்தக்க சக்தியாக விளங்கும் சூரிய ஒளியை மின்சாரமாக மாற்றுவதற்கான சோலார் பேனல்கள் நிறுவும் நிறுவனங்கள் மற்றும் அது சார்ந்த பணிகள் அபரிமிதமான வளர்ச்சியை கண்டு வருகிறது. அதற்கான வேலை வாய்ப்புகளும் அதிகரித்து வருவதால் சோலார் பேனர்கள் நிறுவுவதற்கான பயிற்சி பெற்ற நபர்களின் தேவையும் அதிகரித்து வருகிறது. நமது ஊரில் படித்து முடித்துவிட்டு வேலைக்காக அலையும் நபர்கள் இந்த பயிற்சியை பெற்றால் வேலை வாய்ப்பு அவர்களுக்கு கிடைக்குமே என்ற எண்ணத்தோடு அரசு தொழில் முனைக்கு ஒரு மேம்பாடு மற்றும் புதுமை நிறுவனத்தின் மூலமாக புதிய பயிற்சி வகுப்பு ஒன்றை அறிமுகம் செய்துள்ளது அதை பற்றி தான் இந்த செய்தி தொகுப்பில் சொல்ல இருக்கிறோம்.இந்த பயிற்சியின் மூலம் என்னவெல்லாம் கற்றுக் கொள்ளலாம்? இந்த பயிற்சியில் சேரும் நபர்களுக்குசூரிய சக்தி தொழில், சூரிய சக்தி மென்பொருள் கண்ணோட்டம், சூரிய சக்தி அடிப்படைகள் அறிமுகம், அடிப்படை சூரிய சக்தி திட்ட வடிவமைப்பு, நிதி திட்டமிடல், ஒழுங்குமுறைகள் மற்றும் மானியத் திட்டங்கள், சூரிய சக்தி வணிக மேம்பாடு, AMC & விற்பனைக்குப் பிந்தைய சேவைகள், வணிக சுருதி பயிற்சி, சூரிய PV-க்கான வணிக மாதிரிகளைப் புரிந்துகொள்வது, நிதி திட்டமிடல் சார்ந்த பயிற்சிகள் வழங்கப்பட இருக்கிறது. எவ்வளவு நாள் பயிற்சி? சோலார் பேனல் நிறுவுவதற்கான பயிற்சியானது 18,19, 20 ஜூன் 2025 ஆகிய மூன்று நாட்கள் நடக்கும் பயிற்சியாக அமைய இருக்கிறது.

பயிற்சி எங்கே நடக்கப் போகிறது? சோலார் பேனல் நிறுவுவதற்கான பயிற்சியானது சென்னை ஈக்காட்டுத்தாங்கல் அமைந்துள்ள EDII TN அலுவலகத்தில் இந்த பயிற்சியானது நடக்க இருக்கிறது. எவ்வளவு செலவாகும்? இந்த மூன்று நாள் பயிற்சியை பெற விரும்பும் நபர்கள் இந்த பயிற்சிக்காக 6 ஆயிரம் ரூபாய் கட்டணமாக செலுத்த வேண்டி இருக்கும் இதை பயிற்சிக்கு முன்னரே செலுத்த வேண்டும். எப்படி முன்பதிவு செய்வது? சோலார் பேனல் நிறுவுவதற்கான பயிற்சி மேற்கொள்ள விரும்பும் நபர்கள் https://editn.in/ என்ற அதிகாரபூர்வ இணையதளத்தின் மூலமாக தங்கள் விவரங்களை சமர்ப்பித்து முன்பதிவு செய்து கொள்ளலாம். அல்லது 8668102600 என்ற எண்ணிற்கு அழைத்து உங்கள் முன்பதிவு செய்து கொள்ளலாம். இந்த பயிற்சி சார்ந்த விபரங்களையும் இந்த எண்ணுக்கு அழைத்து தெரிந்து கொள்ளலாம்