அரசு மருத்துவமனைகளில் 30 காலிப்பணியிடங்கள் - 8, 10-ம் வகுப்பு முடித்தவர்கள் முதல் விண்ணப்பிக்கலாம்

 தமிழ்நாடு அரசின் மருத்துவமனை வேலைக்களுக்கு எதிர்பார்பவர்களுக்கு கோவை மாவட்ட நலவாழ்வு சங்கம் முக்கிய அறிவிப்பை வெளியிட்டுள்ளது.

                                                                            

தேசிய சுகாதார திட்டத்தின் கீழ் கோயம்புத்தூர் மாவட்டட்த்தில் உள்ள மாநகராட்சிக்குட்பட்ட நகர்புற நலவாழ்வு மையங்கள், கோவை மருத்துவக் கல்லூரி மருத்துவமனை மற்றும் ஆரம்ப சுகாதார நிலையங்களில் காலியாக உள்ள பல்வேறு காலிப்பணியிடங்களுக்கு மாவட்ட நலவாழ்வு சங்கம் வேலைவாய்ப்பு அறிவிப்பை வெளியிட்டுள்ளது. அதன்படி, மருத்துவமனைப் பணியாளர், பல் மருத்துவ உதவியாலர், பல் மருத்துவ டெக்னீஷியன், இயன்முறை மருத்துவ நிபுணர் ஆகிய பணியிடங்களுக்கு விண்ணப்பங்கள் வரவேற்கப்படுகிறது. இப்பணியிடங்கள் தற்காலிக அடிப்படையில் ஒப்பந்த முறையில் நிரப்பப்படுகிறது.பணியின் விவரங்கள்

பதவியின் பெயர்	காலிப்பணியிடங்கள்
மருத்துவமனைப் பணியாளர் (Hospital Worker)	26
பல் மருத்துவ உதவியாளர் (Dental Assistant)	2
பல் மருத்துவ டெக்னீஷியன் (Dental Technician)	1
இயன்முறை மருத்துவ நிபுணர் (Physiotherapist)	1
மொத்தம்	30

வயது வரம்பு

• மருத்துவமனைப் பணியாளர் பதவிக்கு அதிகபடியாக 45 வயதிற்கு மிகாமல் இருக்க வேண்டும்.
• பல் மருத்துவ உதவியாளர் பதவிக்கு 35 வயதிற்கு குறைவாக இருக்க வேண்டும்.
• பல் மருத்துவ டெக்னீஷியன் பதவிக்கு குறைந்தபட்சம் 20 முதல் அதிகபடியாக 35 வயது வரை இருக்கலாம்.
• இயன்முறை மருத்துவ நிபுணர் பதவிக்கு வயது வரம்பு குறிப்பிடப்படவில்லை.

கல்வித்தகுதி

• மருத்துவமனைப் பணியாளர் பதவிக்கு 8-ம் வகுப்பு தேர்ச்சி பெற்றிருக்க வேண்டும். கட்டாயம் எழுத, படிக்க தெரிந்திருக்க வேண்டும்.
• பல் மருத்துவ உதவியாளர் பதவிக்கு 10-ம் வகுப்பு தேர்ச்சி பெற்றிருக்க வேண்டும்.
• பல் மருத்துவ டெக்னீஷியன் பதவிக்கு பல் மருத்துவ தொழில்நுப்டத்தில் டிப்ளமோ முடித்திருக்க வேண்டும். மேலும் 2 ஆண்டுகள் பணி அனுபவம் பெற்றிருக்க வேண்டும்.
• இயன்முறை மருத்துவ நிபுணர் பதவிக்கு பிசியோதெரபிஸ்ட் பாடப்பிரிவில் இளங்கலை பட்டப்படிப்பு முடித்திருக்க வேண்டும். மேலும் 1 ஆண்டு பணி அனுபவம் பெற்றிருக்க வேண்டும்.

சம்பள விவரம்

• மருத்துவமனைப் பணியாளர் பதவிக்கு மாதம் ரூ.8,500 சம்பளமாக நிர்ணயிக்கப்பட்டுள்ளது.
• பல் மருத்துவ உதவியாளர் பதவிக்கு மாதம் ரூ.13,800 சம்பளமாக நிர்ணயிக்கப்பட்டுள்ளது.
• பல் மருத்துவ டெக்னீஷியன் பதவிக்கு மாதம் ரூ.12,600 சம்பளமாக வழங்கப்படும்.
• இயன்முறை மருத்துவ நிபுணர் பதவிக்கு மாதம் ரூ.13,000 சம்பளமாக வழங்கப்படும்.

தேர்வு செய்யப்படும் முறைகோயம்புத்தூர் மாவட்டத்தில் உள்ள இப்பணியிடங்கள் முற்றிலும் தற்காலிகமானது. எனவே, இப்பணியிடங்களுக்கு விண்ணப்பிக்கும் நபர்களுக்கு நேர்காணல் நடத்தப்பட்டு தேர்வு செய்யப்படுவார்கள் என எதிர்பார்க்கப்படுகிறது. விண்ணப்பிக்கும் முறைஇப்பணியிடங்களுக்கு விண்ணப்பிக்க விரும்புகிறவர்கள் https://coimbatore.nic.in/ என்ற கோவை மாவட்ட அதிகாரப்பூர்வ இணையதளத்தில் உள்ள விண்ணப்பப் படிவத்தை பதிவிறக்கம் செய்துகொள்ளலாம். விண்ணப்பத்தை பூர்த்தி செய்து தேவையான ஆவணங்களை இணைத்து நேரிலோ அல்லது விரைவு தபால் வழியாகவோ அனுப்பி வைக்க வேண்டும். அறிவிப்பை பார்க்க இங்கே கிளிக் செய்யவும்.விண்ணப்பத்துடன் இணைக்க வேண்டிய ஆவணங்கள்

• விண்ணப்பத்தில் பாஸ்போட் சைஸ் போட்டோ ஒட்டப்பட வேண்டும்.
• விண்ணப்பத்தில் முகவரி, அலைபேசி எண்கள் இடம்பெற்றிருக்க வேண்டும்.
• கல்வித்தகுதி சான்றிதழ் , மதிப்பெண்கள் சான்றிதழ் நகல் சுயசான்றொப்பமிட்டு இருக்க வேண்டும்.
• சாதிச்சான்றின் நகல் சுயசான்றொப்பமிட்டு இருக்க வேண்டும்.
• இருப்பிடச் சான்றிதழ்நகல் சுயசான்றொப்பமிட்டு இருக்க வேண்டும்.
• விண்ணப்பத்துடன் சான்றிதழ்களின் நகல் இணைக்கப்படாமல் அனுப்பப்படும் விண்ணப்பங்கள் நிராகரிக்கப்படும் என தெரிவிக்கப்பட்டுள்ளது.

விண்ணப்பம் அனுப்ப வேண்டிய முகவரிஉறுப்பினர் செயலாளர்/ மாவட்ட சுகாதார அலுவலர்,மாவட்ட நலவாழ்வு சங்கம்மாவட்ட சுகாதார அலுவலகம்,219, ரேஸ் கோர்ஸ் ரோடு,கோயம்புத்தூர் - 18. முக்கிய நாட்கள்

விவரம்	தேதிகள்
விண்ணப்பிக்க கடைசி நாள்	13.06.2025
நேர்காணல்	பின்னர் தெரிவிக்கப்படும்.

கோயம்புத்தூர் மாவட்டத்தில் மருத்துவத்துறையில் உள்ள இப்பணியிடங்களுக்கு விண்ணப்பிக்க விரும்புகிறவர்கள் கடைசி தேதிக்குள் விண்ணப்பங்கள் அனுப்பி விண்ணப்பிக்க வேண்டும்.