தமிழக மக்களே ரெடியா?. அறுபடை வீடுகளுக்கு கட்டணமில்லா ஆன்மிக சுற்றுலா.. அரசு சூப்பர் அறிவிப்பு..!

 சென்னை இந்து சமய அறநிலைத்துறை சார்பில் செயல்படுத்தப்படும் கட்டணமில்லா அறுபடை வீடு ஆன்மீக பயணத்தில் தகுதி உள்ள மூத்த குடிமக்கள் விண்ணப்பிக்கலாம் என்று அமைச்சர் சேகர்பாபு தெரிவித்துள்ளார்.

                                                                              

தமிழ் கடவுள் என போற்றப்படும் முருகப்பெருமான் இருக்கும் வீற்றிருக்கும் அறுபடை வீடுகளான திருப்பங்குன்றம்,திருச்செந்தூர்,பழனி, சுவாமிமலை,திருத்தணி,பழமுதிர்ச்சோலை ஆகியவற்றிற்கு தரிசனம் செய்ய கட்டணம் இல்லாமல் 60 வயது முதல் 70 வயதிற்கு உட்பட்ட 2000 பக்தர்களை அழைத்துச் செல்லப்பட உள்ளதாகவும் கூறியுள்ளனர். இதற்கு ரூ.2,00,000 லட்சத்துக்கு மிகாமல் ஆண்டு வருமானமும் அதற்கான சான்றிதழையும் வட்டாட்சியர் இடம் இருந்து பெற்று இணைக்க வேண்டும். அதுமட்டுமில்லாமல் போதிய உடல் தகுதி உள்ளதற்கான மருத்துவச் சான்றிதழும் ஆதார் நம்பரையும் இணைக்க வேண்டுமாம் .

ஆன்மீகப் பயணத்திற்கான விண்ணப்ப படிவங்களை அந்தந்த மண்டல இணை ஆணையர் அலுவலகங்களில் நேரில் சென்று பெற்றுக்கொள்ளலாம் அல்லது www.hrce.tn.gov.in என்ற இணைய தளத்திலும் விண்ணப்பிக்கலாம். விண்ணப்பித்த சான்றிதழையும் அது தொடர்பான மற்ற சான்றுகளையும் இணைத்து சம்பந்தப்பட்ட மண்டல இணை ஆணையர் அலுவலகத்தில் 15.9.2025 -க்குள் சமர்ப்பிக்க வேண்டும். ஆன்மீகப் பயணத்திற்கான விவரங்களுக்கு 1800 425 1757 என்ற கட்டணமில்லா தொலைபேசி எண்ணில் தொடர்பு கொண்டு மேலும் விவரங்களை அறிந்து கொள்ளுங்கள்