விவசாயிகளுக்கு கொத்து கொத்தாக சலுகை.! 70 % மானியம்- தமிழக அரசு அசத்தல் அறிவிப்பு

 தமிழக அரசு விவசாயிகளுக்கு களை எடுக்கும் இயந்திரங்கள் வாங்க மானியம் வழங்குகிறது. 2 முதல் 7.5 குதிரைத்திறன் கொண்ட இயந்திரங்களுக்கு 70% வரை மானியம் வழங்கப்படுகிறது.

                                                                           

விவசாயம் ஒரு நாட்டின் முன்னேற்றத்தில் முதுகெலும்பாக விளங்குகிறது. இது பொருளாதாரம், உணவு பாதுகாப்பு, வேலைவாய்ப்பு ஆகியவற்றில் முக்கிய பங்கு வகிக்கிறது. வேளாண்மை - உழவர் நலத்துறை வேளாண்மைப் பொறியியல் துறை சார்பில் விவசாயிகளுக்கு பல்வேறு திட்டங்களை செயல்படுத்தி வருகிறது. அந்த வகையில் விவசாயம் செழிக்கும் வகையில் பல்வேறு இயந்திரங்கள் வாங்க மானியத்தை அரசு அள்ளி கொடுத்து வருகிறது.

இந்த நிலையில் களை எடுப்பதற்கு... விவசாயிகளுக்கு கவலை எதற்கு ??? அரசு மானிய உதவி இருக்கு !!! என தமிழக அரசு தெரிவித்துள்ளது. வேளாண் இயந்திரமயமாக்குதலுக்கான துணை இயக்கத் திட்டத்தின் கீழ் விசை களையெடுப்பான்கள் வாங்க மானியம் வழங்கப்படுவதாக தமிழக அரசின் வேளாண் - உழவர் நலத்துறை தெரிவித்துள்ளது.

2 குதிரைத் திறன் முதல் 5 குதிரைத்திறனுக்குக் கீழ் உள்ள இன்ஜினால் இயங்கக்கூடிய இயந்திரம் வாங்க - ஆதிதிராவிடர், பழங்குடியினர் பிரிவில் உள்ள சிறு, குறு விவசாயிகளுக்கு 70% சதவீதம் அல்லது அதிகபட்சமாக ரூ. 56,000 வரை மானியம் வழங்கப்படுவதாக தெரிவிக்கப்பட்டுள்ளது. ஆதிதிராவிடர், பழங்குடியினர் அல்லாத இதர பிரிவில் உள்ள சிறு, குறு விவசாயிகளுக்கு 60% சதவீதம் அல்லது அதிகபட்சமாக 48,000 வரை மானியம் வழங்கப்படுகிறது.

சிறு, குறு பிரிவில் அல்லாத ஆதிதிராவிடர் மற்றும் பழங்குடியினர் மற்றும் பெண் விவசாயிகளுக்கு 50% சதவீதம் அல்லது அதிகபட்சமாக 40,000 மானியம் வழங்கப்படுகிறது. இதர விவசாயிகளுக்கு 40% சதவீதம் அல்லது அதிகபட்சமாக ரூ. 32,000 வரை மானியத்தை அரசு வழங்குகிறது.

அடுத்ததாக 5 குதிரைத் திறன் முதல் 7.5 குதிரைத்திறனுக்குக் கீழ் உள்ள இன்ஜினால் இயங்கக்கூடிய இயந்திரம் வாங்க ஆதிதிராவிடர், பழங்குடியினர் பிரிவில் உள்ள சிறு, குறு விவசாயிகளுக்கு 70% சதவீதம் அல்லது அதிகபட்சமாக ரூ. 1,05000 வரை மானியம் வழங்கப்படுகிறது. ஆதிதிராவிடர், பழங்குடியினர் அல்லாத இதர பிரிவில் உள்ள சிறு, குறு விவசாயிகளுக்கு 60% சதவீதம் அல்லது அதிகபட்சமாக ரூ. 90.000 வரை மானியம் வழங்கப்பட்டு வருகிறது.

சிறு, குறு பிரிவில் அல்லாத ஆதிதிராவிடர்/பழங்குடியினர் மற்றும் பெண் விவசாயிகளுக்கு 50% சதவீதம் அல்லது அதிகபட்சமாக . 75,000/ வரை மானியம் வழங்கப்படுகிறது. இதர விவசாயிகளுக்கு40% சதவீதம் அல்லது அதிகபட்சமாக ரூ. 60,000/- வரை மானியம் வழங்கப்படுகிறது.

7.5 மற்றும் அதற்கும் மேல் குதிரைத் திறன் உள்ள இன்ஜினால் இயங்கக்கூடிய இயந்திரம் வாங்க ஆதிதிராவிடர், பழங்குடியினர் பிரிவில் உள்ள சிறு, குறு விவசாயிகளுக்கு 70% சதவீதம் அல்லது அதிகபட்சமாக ரூ. 1,19,000 வரை மானியம் வழங்கப்படுகிறது. ஆதிதிராவிடர், பழங்குடியினர் அல்லாத இதர பிரிவில் உள்ள சிறு, குறு விவசாயிகளுக்கு 60% சதவீதம் அல்லது அதிகபட்சமாக ரூ. 10.2000 வரை மானியம் கொடுக்கப்படுகிறது.

சிறு, குறு பிரிவில் அல்லாத ஆதிதிராவிடர்/பழங்குடியினர் மற்றும் பெண் விவசாயிகளுக்கு 50% சதவீதம் அல்லது அதிகபட்சமாக . 85,000 மானியம் வழங்கப்பட்டு வருகிறது. இதர விவசாயிகளுக்கு 40% சதவீதம் அல்லது அதிகபட்சமாக ரூ. 68,000 வரை மானியமானது தமிழக அரசின் உழவர் நலத்துறை சார்பாக வழங்கப்பட்டு வருகிறது.