டிரைவிங் லைசன்ஸில் போட்டோவை மாற்றுவது எப்படி? நீங்களே ஆன்லைனில் மாற்றலாம்!

 வாகனம் ஓட்டுவதற்கு ஓட்டுநர் உரிமம் அவசியம். ஓட்டுநர் உரிமம் போக்குவரத்து துறையால் வழங்கப்படுகிறது. இந்த ஓட்டுநர் உரிமத்தில் அதன் உரிமையாளரின் புகைப்படம் இருக்கும்.

                                                                             

ஆதார் கார்டைப் போலவே ஓட்டுநர் உரிமைத்தில் அதன் உரிமையாளரின் தனிநபர் விவரங்கள் மற்றும் வாகனம் ஓட்டுவதற்கான தகுதி, காலம் போன்ற விவரங்கள் இருக்கும். அதில் உள்ள புகைப்படம் பலருக்கு பிடிக்காமல் இருக்கும்.

எனெனில், நீண்ட காலத்துக்கு முன்பு எடுத்த புகைப்படம் என்பதால் அதை மாற்றினால் நன்றாக இருக்கும் என்று நினைப்பார்கள். அதேபோல, கையொப்பத்தையும் நம்மால் மாற்ற முடியும். ஓட்டுநர் உரிமத்தின் புகைப்படம் மற்றும் கையொப்பத்தை மாற்ற விரும்பினால், போக்குவரத்துத் துறையின் இணையதளத்தில் நீங்கள் விண்ணப்பிக்கலாம். உங்களுடைய புகைப்படம் மற்றும் கையொப்பத்தை மாற்ற நீங்கள் 400 ரூபாய் கட்டணம் செலுத்த வேண்டும். அதன் பிறகு புதிய ஓட்டுநர் ஒரு வாரத்துக்குள் வீட்டிற்கே டெலிவரி செய்யப்படும்.

உங்கள் ஆதார் கார்டுடன் இணைக்கப்பட்ட மொபைல் நம்பர் புதுப்பிக்கப்பட்டால் மட்டுமே இந்த வசதி கிடைக்கும். மேலும், பழைய ஓட்டுநர் உரிமம் உங்களிடம் இருக்க வேண்டும். உங்கள் ஆதார் கார்டில் உள்ள புகைப்படமும் புதிய ஓட்டுநர் உரிமத்தில் புதுப்பிக்கப்படும். பலர் ஓட்டுநர் உரிமத்தைப் பெறும்போது பழைய புகைப்படங்களைக் கொடுக்கிறார்கள். அது பின்னர் சிக்கல்களை ஏற்படுத்துவதாக போக்குவரத்து அதிகாரிகள் கூறுகின்றனர். எனவே ஓட்டுநர் உரிமத்தில் உள்ள புகைப்படம் மிகவும் முக்கியம்.

வங்கியில் நாம் வைத்திருக்கும் பணத்துக்கு ஆபத்து.. எவ்வளவு திரும்ப கிடைக்கும்? ரூல்ஸ் என்ன தெரியுமா?

போட்டோவை மாற்றுவது எப்படி?

முதலில் போக்குவரத்து சேவையின் வலைத்தளத்திற்குச் சென்று ஆன்லைன் சேவையைக் கிளிக் செய்ய வேண்டும்.

அதம் பிறகு ஓட்டுநர் உரிம சேவையைத் தேர்ந்தெடுக்க வேண்டும்.

போக்குவரத்துத் துறையின் அனைத்து ஆன்லைன் சேவைகளின் பட்டியலும் அதில் இருக்கும்.

அவற்றில் 'Change of Photo and Signature in DL' என்ற ஆப்சனை கிளிக் செய்ய வேண்டும்.

அதன் பிறகு உங்கள் ஓட்டுநர் உரிம எண், பிறந்த தேதி மற்றும் கேப்ட்சா குறியீட்டை பதிவிட வேண்டும்.

அடுத்து ஓட்டுநர் உரிம விவரங்களின் விருப்பத்தைத் தேர்ந்தெடுக்க வேண்டும்.

இப்போது நீங்கள் ஓட்டுநர் உரிமம் பற்றிய அனைத்து தகவல்களையும் காண்பீர்கள்.

பின் குறியீட்டை உள்ளிட்டால் உங்கள் RTO அலுவலகத்தின் தகவல்கள் தானாகவே நிரப்பப்படும்.

இங்கே ஆதார் எண்ணை உள்ளிட்டு மொபைல் நம்பருக்கு வரும் OTP நம்பரை பதிவிட வேண்டும்.

அதன் பின்னர் உங்கள் புகைப்படம் மற்றும் கையொப்பத்தை மாற்ற வேண்டும்.

கடைசியாக இந்த சேவைக்கு 400 ரூபாய் கட்டணம் செலுத்த வேண்டும்.

இந்தியப் பொருளாதார வளர்ச்சி எப்படி இருக்கும்? உலக வங்கி கணிப்பு!

புகைப்படம் மற்றும் கையொப்பத்தை மாற்றுவதற்கான காரணத்தையும் நீங்கள் கொடுக்க வேண்டும். அப்போதுதான் உங்கள் விண்ணப்பம் ஏற்றுக்கொள்ளப்படும்.

விண்ணப்பித்ததும் உங்களுக்கு ஒரு ஆன்லைன் ரசீது கிடைக்கும். அடுத்து, நீங்கள் விண்ணப்ப எண், பிறந்த தேதி மற்றும் கேப்ட்சாவை நிரப்பி சமர்ப்பிக்க வேண்டும்.

அதன் பிறகு, நீங்கள் ஓட்டுநர் உரிமத்தின் புகைப்படத்தைப் பதிவேற்றம் செய்ய வேண்டும்.

எல்லாம் முடிந்ததும் உங்களுடைய ஓட்டுநர் உரிமத்தில் புதிய புகைப்படம் அப்டேட் செய்யப்படும்.

புகைப்படம் அப்டேட் செய்யப்பட்ட புதிய ஓட்டுநர் உரிமம் ஒரு வாரத்துக்குள் உங்கள் வீட்டு முகவரிக்கே டெலிவரி செய்யப்படும்.