இன்றெல்லாம் பெண்கள் வீட்டு வேலைகளில் முடங்காமல் தங்களுக்கான அடையாளத்தை உருவாக்க வேண்டும் என்பதற்காகவும், நிதி ரீதியாக சுதந்திரமாக இருக்க வேண்டும் என்பதற்காகவும் பல்வேறு வேலைகளைச் செய்கின்றனர்.
சிறு வணிகங்களை வீட்டில் இருந்தே தொடங்கி அதன் மூலம் லட்சங்களில் சம்பாதிக்கின்றனர். சமையல், தையல் கன்டன்ட் ரைட்டிங், ஆன்லைன் வேலை என பல ஆப்ஷன்கள் இருப்பதால் வீட்டிலிருந்து கொண்டே நீங்களும் எளிதாக பணம் சம்பாதிக்கலாம்.வீட்டு பொறுப்புகளை எல்லாம் கவனித்துக் கொண்டு அதே வேலையில் நிதி நிலையை மேம்படுத்த விரும்பும் பெண்களுக்கு ஏற்ற தொழில்கள் குறித்து தான் இந்த பதிவில் பார்க்கவுள்ளோம். இதன் மூலம் பெண்கள் தாங்கள் சமாதிப்பது மட்டுமல்லாமல், தங்கள் குடும்பத்தையும் முன்னெடுத்துச் செல்ல முடியும். சமையல்: பெரும்பாலான பெண்கள் சமைப்பதில் வல்லவர்கள்.
எனவே வீட்டில் இருந்து டிபன் சர்வீஸ், கேக் பேக்கிங் அல்லது வீட்டில் தயாரிக்கப்படும் இனிப்புகள் போன்றவற்றை விற்பனை செய்யும் தொழிலைத் தொடங்கலாம். ஏற்கனவே இது போன்ற தொழிலைத் தொடங்கி அதில் சக்கை போடு போட்டுக் கொண்டிருக்கும் பெண்களை இணையதளங்களில் கேள்விப்பட்டிருப்போம். நீங்களும் அத்தகைய நபர்களில் ஒருவராக மாற முடியும். முதலில் உங்களுக்கு அறிமுகமான நபர்களிடமிருந்து ஆர்டர்களைப் பெற்று பின்னர் சமூக ஊடகங்கள் மூலம் அதை மார்க்கெட்டிங் செய்து விரிவுபடுத்தலாம்.
உங்கள் கைகளின் சுவை பிறருக்கு பிடிக்கத் தொடங்கிவிட்டால் போதும்.. வீட்டிலிருந்து எளிதாக பணம் சம்பாதிக்க முடியும்.பொட்டிக் மற்றும் தையல்: நீங்கள் தையல், எம்பிராய்டரி போன்றவற்றை தெரிந்து வைத்திருந்தால் வீட்டிலிருந்தே சிறிய பொட்டிக் தொடங்க முடியும். இன்றெல்லாம் விதவிதமான டிசைன்களில் ஆடைகளை விரும்பி அணியும் பெண்கள் அதிகரிக்கத் தொடங்கியுள்ளனர். திருமணத்திற்கு பெண்கள் அணியும் லேகங்கா ஆரி ஒர்க் பிளவுஸ் போன்றவற்றை சிறந்த முறையில் வழங்க தொடங்கிவிட்டால், ஆன்லைன் மூலமாகவும் ஆர்டர் எடுத்து பணம் சம்பாதிக்கலாம்.கன்டென்ட் ரைட்டிங்: நீங்கள் எழுதுவதில் திறமை மிக்கவராக இருந்தால் ஃப்ரீலான்சிங் தொழிலைத் தொடங்கலாம்.
இன்றெல்லாம் பல இணையதளங்கள் ரைட்டர் வேலைகளுக்கு பெண்களை பணியமர்த்துகின்றன. எனவே நீங்கள் எழுதுவதில் ஆர்வம் உடையவராக இருந்தால் வீட்டில் இருந்தே கன்டென்ட், கவிதை, கதைகள் போன்றவற்றை எழுதி அதன் மூலம் பணம் சம்பாதிக்கலாம்.டியூஷன் வகுப்புகள்: நீங்கள் சிறந்த பயிற்றுவிப்பாளராக இருந்தால் வீட்டில் இருந்தே டியூஷன் வகுப்புகள் நடத்தலாம். இதற்கு குறைந்த முதலீடு தான் தேவை. போர்டு, குழந்தைகளை உட்கார வைப்பதற்கு பெஞ்ச் அல்லது நாற்காலி தேவைப்படும்.
அதுவும் 10-ஆம் வகுப்பு மற்றும் 12-ஆம் வகுப்பு மாணவர்களுக்கு பிரத்தியேகமாக வகுப்புகள் எடுக்கத் தொடங்கி விட்டால் இதன் மூலம் மாதா மாதம் ரூ. 10,000 முதல் ரூ.50,000 வரை உங்கள் டியூஷன் வகுப்பில் சேரும் மாணவர்களைப் பொறுத்து பணம் சம்பாதிக்க முடியும். ஏற்கனவே இந்தத் தொழிலை சிறப்பாக செய்யும் பல ஆசிரியர்களை பார்த்திருப்பீர்கள். நீங்களும் அவர்களைப் போன்றே வருமானம் பார்க்க முடியும்.ஊதுபத்தி மற்றும் ஆர்கானிக் பொருட்கள்: வீட்டிலிருந்தே ஆர்கானிக் ஊதுபத்தி, மண்ணை கொண்டு செய்யப்படும் விளக்குகள் போன்றவற்றை தயாரித்து விற்பனை செய்யலாம்.
இது ஒரு பாரம்பரிய வணிகமாக இருக்கும். இயற்கையாக செய்யப்படும் பொருட்களுக்கு எப்போதும் அதிக தேவை இருக்கும். இதையே ஒரு வாய்ப்பாகப் பயன்படுத்தி நீங்களும் பணம் பார்க்க முடியும். அழகுக் கலை பயிற்சி பெற்றிருந்தால் வீட்டிலேயே பியூட்டி பார்லர் தொடங்கலாம். ஃபேசியல், வேக்ஸிங் மற்றும் மேக்கப் போன்ற சேவைகளுக்கு தினசரி அடிப்படையில் தேவை இருந்து கொண்டே இருக்கும்
.png)
.jpeg)
0 Comments