பத்திரம் இல்லாமலேயே நில விவரங்களைப் பார்ப்பது எப்படி? ஆன்லைனில் ஈசி வழி!

 சொத்து விஷயங்களில் இன்றைய இளைஞர்களுக்கு நிறைய விஷயங்களும் முக்கியமான விதிமுறைகள் பற்றியும் தெரிவதில்லை.

அப்பாவுடைய சொத்தாக இருந்தாலும் சரி, முன்னோர்களின் சொத்தாக இருந்தாலும் சரி, அதுபற்றிய விவரங்களை நீங்கள் மிக எளிதாக தெரிந்துகொள்ளலாம். அதற்கு எந்தவொரு ஆவணமும் தேவையில்லை. இதைப் பார்க்க எங்கும் நாள் கணக்கில் அலையத் தேவையில்லை. ஆன்லைன் மூலமாகவே மிக எளிதாகப் பார்க்க முடியும்.


நில மோசடிகளைத் தடுப்பதற்காக சில வசதிகளை தமிழக அரசு கொண்டுவந்துள்ளது. அதன் மூலம் நீங்கள் உங்களுடைய நில விவரங்களைப் பார்க்கவும், நிலத்தைப் பாதுகாப்பாகவும் வைத்திருக்க முடியும். இதற்காகவே நில தகவல் மேலாண்மை முறை என்ற வசதி உள்ளது. இது தமிழக அரசு கொண்டு வந்த டிஜிட்டல் நில ஆவண பதிவேடு மற்றும் பராமரிப்பு முறை ஆகும். இதில் (https://eservices.tn.gov.in) நீங்கள் பட்டா, சிட்டா, அடங்கல் போன்றவற்றை ஆன்லைன் மூலமாகவே மிக எளிதாக உறுதி செய்ய முடியும்.


இந்த வெப்சைட்டில் உள்ள முக்கியமான அம்சங்கள்!



பட்டா மாறுதல் விண்ணப்பிக்கலாம்

பட்டா / சிட்டா / புலப்பட விவரங்களை பார்வையிடலாம் (ஊரகம் / நத்தம்)

அ-பதிவேடு விவரங்களை பார்வையிடலாம் (ஊரகம் / நத்தம்)

பட்டா / சிட்டா விவரங்களை சரிபார்க்கலாம் (ஊரகம் / நத்தம்)

அரசு புறம்போக்கு நில விவரங்களைப் பார்வையிடலாம்

புலப்பட விவரங்களை பார்வையிடலாம் (ஊரகம் / நத்தம்)

பட்டா நகலை பார்வையிடலாம்

நகர நில அளவைப் பதிவேடு

நகர நில அளவை வரைபடம் பார்க்கலாம்

விண்ணப்ப நிலையை சரிபார்க்கலாம்.

புல எல்லை வரைபடம் / அறிக்கையைப் பார்க்கலாம்

பட்டா மறுதலுக்கு விண்ணப்பிப்பதற்கான விருப்பத்தை நீங்கள் கிளிக் செய்தால் புதிய பக்கம் ஒன்று திறக்கும். அது தமிழ் நிலம் தளத்துக்கு உங்களை அழைத்துச் செல்லும். அதில் உங்களுடைய மொபைல் நம்பரைப் பதிவிட்டு ஓடிபி மூலமாக உள்நுழைய வேண்டும்.


தேவையான விவரங்கள்!


இந்த வலைத்தளத்தில் பதிவு செய்ய பெயர், மொபைல் நம்பர், முகவரி ஆகிய விவரங்கள் தேவை.


யாரெல்லாம் விண்ணப்பிக்கலாம்?


பட்டா மாறுதல் கோரும் எந்தவொரு குடிமகனும் இதில் விண்ணப்பிக்கலாம்.


பட்டா மாறுதல் வகைகள்!


1. உட்பிரிவுள்ள இனங்கள்

2. உட்பிரிவு அல்லாத இனங்கள்


தேவையான ஆவணங்கள்!


கிரையப் பத்திரம்


செட்டில்மென்ட் பத்திரம்


பாகப்பிரிவினை பத்திரம்


தானப் பத்திரம்


பரிவர்தனை பத்திரம்


அக்குவிடுதலைப் பத்திரம்


இந்த ஆவணங்கள் 3 MBக்கு மிகாமல் இருக்க வேண்டும்.


நில உரிமையாளர்களுக்காக எண்ணும் எழுத்தும் என்ற திட்டம் ஒன்றும் உள்ளது. இது வட்டாட்சியர் அலுவலகங்கள் வழியாக நில புள்ளிவிவரங்களை சீரமைக்கும் திட்டம் ஆகும். ஆவணங்களின் மாற்றங்கள் சரியாக பதிவு செய்யப்படுகிறதா ஒன்று இதில் பார்க்கலாம். மோசடி வழிமுறைகளைத் தடுப்பதற்காக சர்வே மற்றும் சமீபத்திய நில மேலாண்மை சேமிப்பு இதன் மூலம் தொடங்கப்பட்டுள்ளது.


நில உரிமையாளரின் ஆதார் இணைப்பு கட்டாயமாக்கப்பட்டுள்ளது. இதன் மூலமாக உரிமை மாற்றங்களை போலியான முறையில் செய்ய முடியாமல் தடுக்க நடவடிக்கை எடுக்கப்பட்டுள்ளது. பதிவு அலுவகத்தில் உங்களுடைய சொத்துகளைப் பதிவு செய்யும் போது ஆதார் இணைப்பு அவசியமாகிறது.


இந்த இணையதளம் தமிழக அரசின் மின்ணனு சேவையில் முக்கியமான ஒன்றாகும். பொதுமக்கள் இந்த இணைய வழி சேவையை பயன்படுத்தி தமிழ்நாட்டில் உள்ள தங்கள் நிலம் மற்றும் வீடு பற்றிய விவரங்களைத் தெரிந்து கொள்ளலாம். இந்த சேவையை சிறப்பாக பயன்படுத்த பொது மக்கள் புல எண், உட்பிரிவு எண் மற்றும் உரிமையாளர்கள் விவரங்களை வைத்திருக்க வேண்டும்.

Post a Comment

0 Comments