மாதம் ரூ. 5000 சேமித்தால் ரூ. 8 லட்சம் உங்கள் கையில்! எப்படி தெரியுமா?

 சேமிப்பு என்பது கட்டாயம் அனைவரின் வாழ்க்கையிலும் இருக்க வேண்டிய ஒன்று. அதிலும் குறிப்பாக மிடில் கிளாஸ் மக்கள், தனியார் நிறுவன ஊழியர்கள், தின கூலிகள் தங்களின் எதிர்கால வாழ்வுக்கு ஏதோ ஒரு விதத்தில் கட்டாயம் சேமிக்க வேண்டு.

                                                                          

போஸ்ட் ஆபீஸ் தொடங்கி எல்.ஐ.சி போன்றவற்றில் உங்களுக்காகவே பல திட்டங்கள் உள்ளன.

அதில் ஒன்று தான் மாதம் சேமிக்கும் தொடர் வைப்பு திட்டம். ரெக்கரிங் டெபாசிட் என அழைக்கப்படும் இந்த திட்டத்தில் நீங்கள் ஒவ்வொரு மாதமும் ரூ.5000 முதலீடு செய்து ரூ.8 லட்சம் வரை சம்பாதிக்க முடியும். இந்தத் திட்டத்தில் முதலீடு செய்யபவர்களுக்கு 6.7 சதவீதம் வட்டி கிடைக்கிறது. போஸ்ட் ஆபீஸில் தற்போது இந்த திட்டம் செயல்பாட்டில் உள்ளது.

நீங்கள் ஒவ்வொரு மாதமும் ரூ.5,000 இந்த திட்டத்தில் முதலீடு செய்தால், 5 ஆண்டுகளில், நீங்கள் மொத்தம் ரூ.3 லட்சம் டெபாசிட் செய்திருப்பீர்கள். ரூ.56,830 வட்டியாக கிடைக்கும். 5 ஆண்டுகளில் உங்கள் சேமிப்பு தொகை ரூ.3,56,830 ஆக இருக்கும். அந்த பணத்தை எடுக்காமல் அதை அப்படியே அடுத்த ஐந்து ஆண்டுகளுக்கு அதே திட்டத்தில் முதலீடு செய்தால் 10 ஆண்டுகளில் நீங்கள் டெபாசிட் செய்யும் தொகை ரூ.6,00,000 ஆக இருக்கும். இதனுடன், 6.7 சதவீத விகிதத்தில் 10 ஆண்டுகளில் உங்கள் மொத்த டெபாசிட் தொகை ரூ.8,54,272 ஆக உங்களுக்கு கிடைக்கும்.

இந்த திட்டத்தில் குறைந்தபட்சம் ரூ.100 முதல் முதலீடு தொடங்கலாம். இதன் முதிர்வு காலம் 5 ஆண்டுகள். முன்கூட்டியே கணக்கை மூடிக் கொள்ளும் வசதியும் இருக்கிறது. இந்த திட்டத்தில் சேர்ந்து ஒரு வருடம் முடிவடைந்திருந்தால் முதலீடு தொகையில் 50 சதவீதம் வரை கடன் பெற்றுக் கொள்ளலாம்.