DRDO-வில் 148 காலிப்பணியிடங்கள்; ரூ.1 லட்சம் சம்பளம், Freshers விண்ணப்பிக்கலாம் - கல்வித்தகுதி என்ன?

 மத்திய அரசின் பாதுகாப்பு ஆராய்ச்சி மற்றும் மேம்பாட்டு அமைப்பு (DRDO) மற்றும் பாதுகாப்பு துறையில் கீழ் செயல்படும் இதர அமைப்புகளில் உள்ள B பிரிவு விஞ்ஞானி காலிப்பணியிடங்களை நிரப்புவதற்கான வேலைவாய்ப்பு (DRDO Scientist B Recruitment 2025) அறிவிப்பு வெளியாகியுள்ளது.

                                                                                    

பல்வேறு பிரிவுகளில் மொத்தம் 148 காலிப்பணியிடங்கள் நிரப்பப்படுகிறது. ஆர்வமுள்ளவர்கள் இப்பணியிடங்களுக்கு ஆன்லைன் வழியாக உடனே விண்ணப்பிக்கலாம். பணியின் விவரங்கள்

பதவியின் பெயர்	காலிப்பணியிடங்கள்
விஞ்ஞானி - பி (Scientist 'B')	127
விஞ்ஞானி/ இன்ஜினியர்-பி (Scientist/Engineer 'B')	9
விஞ்ஞானி- பி (Scientist 'B')	12
மொத்தம்	148

வயது வரம்பு

• பாதுகாப்பு ஆராய்ச்சி மற்றும் மேம்பாட்டு அமைப்பு விஞ்ஞானி காலிப்பணியிடங்களுக்கு விண்ணப்பிக்க பொதுப் பிரிவினருக்கு 35 வயது வரையும், ஒபிசி பிரிவினருக்கு 38 வயது வரையும், எஸ்சி, எஸ்டி பிரிவினருக்கு 40 வயது வரையும் இருக்க வேண்டும்.
• மாற்றுத்திறனாளிகளுக்கு 10 ஆண்டு வரையும், மத்திய அரசு ஊழியர்களுக்கு 5 வருடங்கள் வரையும் தளர்வு உள்ளது.

கல்வித்தகுதி

• இப்பணியிடங்களுக்கு எலெக்ட்ரிக்கல் & தொடர்பியல், மெக்கானிக்கல் இன்ஜினியரிங், கணினி அறிவியல் & பொறியியல், எலெக்ட்ரிக்கல், உலோகவியல், இயற்பியல், வேதியியல், கெமிக்கல், அரோநாடிக்கல், கணிதம், சிவில் பொறியியல், உயிர்மெடிக்கல், பூச்சியியல், புள்ளியியல், பயோ புள்ளியியல், உளவியல், மருத்துவ உளவியல் ஆகிய பாடப்பிரிவுகளில் பொறியியல் பட்டப்படிப்பு/ முதுகலை பட்டப்படிப்பு முடித்திருக்க வேண்டும்.
• மேலும், அந்தந்த பாடப்பிரிவுகளுக்கான தாளில் GATE தேர்வை எழுதி தகுதி பெற்றிருக்க வேண்டும்.

சம்பள விவரம்பாதுகாப்பு துறையின் கீழ் உள்ள இப்பணியிடங்களுக்கு தேர்வு செய்யப்படும் நபர்களுக்கு அடிப்படை சம்பளம் ரூ.56,100 நிர்ணயிக்கப்பட்டுள்ளது, கொடுப்பனைகள், அகவிலைப்படி மற்றும் இதர சலுகைகளுடன் ஒரு மாதத்திற்கு தோராயமாக ரூ.1 லட்சம் வரை சம்பளமாக வழங்கப்படும். தேர்வு செய்யப்படும் முறை

• இப்பணியிடங்களுக்கு விண்ணப்பிக்க GATE மதிப்பெண்கள் அவசியமாகும். இறுதி ஆண்டு மாணவர்களும் விண்ணப்பிக்கலாம். விண்ணப்பிக்கும் நபர்களின் கேட் தேர்வு மதிப்பெண்கள் அடிப்படையில் தெரிவு செய்யப்பட்டு, நேர்காணலுக்கு அழைக்கப்படுவார்கள். நேர்காணல் மற்றும் மருத்துவ பரிசோதனை ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.
• கேட் தேர்வு மதிபபெண்களுக்கு 80% மதிப்பெண்கள், நேர்காணலுக்கு 20% மதிப்பெண்கள் வழங்கப்படும். தேர்வு செய்யப்பட்டவர்கள் பட்டியல் இணையதளத்தில் வெளியிடப்படும்.

விண்ணப்பிக்கும் முறைஇப்பணியிடங்களுக்கு விண்ணப்பிக்க விரும்புகிறவர்கள் https://rac.gov.in/ என்ற DRDO-வின் அதிகாரப்பூர்வ இணையதளத்தில் ஆன்லைன் வழியாக விண்ணப்பிக்க வேண்டும். விண்ணப்பக் கட்டணமாக ரூ.100 செலுத்த வேண்டும். பெண்கள், எஸ்சி, எஸ்டி மற்றும் மாற்றுத்திறனாளிகளுக்கு விண்ணப்பக் கட்டணம் கிடையாது. அறிவிப்பை பார்க்க இங்கே கிளிக் செய்யவும்.முக்கிய நாட்கள்

விவரம்	தேதிகள்
விண்ணப்பிக்க கடைசி நாள்	06.06.2025
நேர்காணல்	தேர்வு செய்யப்பட்டவர்களுக்கு அறிவிக்கப்படும்
இறுதி பட்டியல்	பின்னர் வெளியிடப்படும்

மத்திய அரசின் பாதுகாப்பு ஆராய்ச்சி மற்றும் மேம்பாட்டு அமைப்பு மற்றும் பாதுகாப்பு துறையில் நிறுவனங்கள் உள்ள விஞ்ஞானி காலிப்பணியிடங்களுக்கு ஆர்வமும், தகுதியும் உள்ளவர்கள் உடனே ஆன்லைன் வழியாக விண்ணப்பிக்கலாம். கூடுதல் விவரங்களை அறிவிப்பில் அறிந்துகொள்ளலாம். இந்தாண்டு கடைசி ஆண்டில் படிக்கும் மாணவர்களும் இந்த வாய்ப்பை பயன்படுத்திக்கொள்ளலாம்.