திருச்சியில் அமைந்துள்ள மத்திய அரசின் பாரத் ஹெவி எலக்ட்ரிக்கல்ஸ் நிறுவனத்தில் பொறியாளர்கள், மேற்பார்வையாளர்கள் பதவிகளுக்கு வேலைவாய்ப்பு (BHEL Recruitment 2025) அறிவிப்பு வெளியாகியுள்ளது.
உயர் அழுத்த பாய்லர் ஆலையில் தரத்தை உறுதி செய்யும் துறையில் 2 வருடங்களுக்கு இப்பணியிடங்கள் நிரப்பப்படுகிறது. பணியின் விவரங்கள்
| பதவியின் பெயர் | காலிப்பணியிடங்கள் |
| இன்ஜினியர் (Engineer - Quality) | 10 |
| மேற்பார்வையாளர் (Supervisor - Quality) | 10 |
| மொத்தம் | 20 |
இதில் பொதுப் பிரிவில் - 12 காலிப்பணியிடங்கள், ஒபிசி பிரிவில் 4 காலிப்பணியிடங்கள், எஸ்சி பிரிவில் 2 காலிப்பணியிடங்கள் மற்றும் பொருளாதார பிரிவில் 2 காலிப்பணியிடங்கள் என நிரப்பப்படுகிறது. வயது வரம்பு
- பாரத் ஹெவி எலக்ட்ரிக்கல்ஸ் நிறுவனத்தில் உள்ள இப்பணியிடங்களுக்கு விண்ணப்பிக்க விரும்புகிறவர்கள் குறைந்தபட்சம் 22 வயது நிறைவு பெற்றிருக்க வேண்டும். மேலும் அதிகபடியாக 35 வயது வரை இருக்கலாம்.
- வயது வரம்பு எஸ்சி பிரிவினருக்கு 5 வருடங்கள், ஒபிசி பிரிவினருக்கு 3 வருடங்கள், மாற்றுத்திறனாளிகளுக்கு 10 முதல் 15 வருடங்கள் வரையும் வயது வரம்பில் தளர்வு உள்ளது.
கல்வித்தகுதி
- இன்ஜினியர் பதவிக்கு இயந்திரவியல்/உற்பத்தி/உலோகவியல் ஆகியவற்றில் பொறியியல் பட்டப்படிப்பு பெற்றிருக்க வேண்டும் அல்லது 5 வருட ஒருங்கிணைந்த பட்டப்படிப்பு முடித்திருக்க வேண்டும். தரக் கட்டுபாட்டில் ஆய்வக பிரிவிற்கு கெமிக்கல், வேதியியல் ஆகியவற்றில் பொறியியல், இளங்கலை அறிவியல் பட்டப்படிப்பு முடித்தவர்கள் விண்ணப்பிக்கலாம். மேலும் குறைந்தபட்சம் 2 ஆண்டுகள் அனுபவம் பெற்றிருக்க வேண்டும்.
- மேற்பார்வையாளர் பதவிக்கு மெக்கானிக்கல் பொறியியல் பாடப்பிரிவில் டிப்ளமோ முடித்திருக்க வேண்டும். மேலும் குறைந்தபட்சம் 2 வருடம் அனுபவம் பெற்றிருக்க வேண்டும்.
- இப்பணியிடங்களுக்கு விண்ணப்பிக்க பட்டப்படிப்புகளில் 60% மதிப்பெண்கள் பெற்றிருக்க வேண்டும். எஸ்சி பிரிவினர் 50% பெற்றிருக்க வேண்டும்.
சம்பள விவரம்
- பொறியியல் பதவிகளுக்கு தேர்வு செய்யப்படுபவர்களுக்கு மாதம் ரூ.84,000 சம்பளமாக வழங்கப்படும்.
- மேற்பார்வையாளர் பதவிக்கு மாதம் ரூ.45,000 சம்பளமாக வழங்கப்படும்.
தேர்வு செய்யப்படும் முறை
- இப்பணியிடங்களுக்கு விண்ணப்பிக்கும் நபர்களில் இருந்து தகுதியின் அடிப்படையில் தெரிவு செய்யப்பட்டு, நேர்காணலுக்கு அழைக்கப்படுவார்கள். குறிப்பிட்ட சில பிரிவுகளில் உள்ள இடங்களுக்கு திறன் தேர்வு மற்றும் நேர்காணல் ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள்.
- தேர்வு செய்யப்படுபவர்கள் முதல் 2 வருடத்திற்கு பணியமர்த்தப்படுவார்கள். தேவையின் அடிப்படையில் 4 வருடங்கள் வரை பணி நீட்டிக்கப்படும்.
விண்ணப்பிக்கும் முறைபாரத் ஹெவி எலக்ட்ரிக்கல்ஸ் நிறுவனத்தில் உள்ள இப்பணியிடங்களுக்கு https://careers.bhel.in/ என்ற அதிகாரப்பூர்வ இணையதளத்தில் ஆன்லைன் வழியாக விண்ணப்பிக்க வேண்டும். மேலும், விண்ணப்பத்தை பதிவிறக்கம் செய்து, புகைப்படம் மற்றும் கையொப்பமிட்டு, தேவையான ஆவணங்கள் இணைத்து தபால் மூலமாக அனுப்ப வேண்டும். அறிவிப்பை பார்க்க இங்கே கிளிக் செய்யவும். விண்ணப்பம் அனுப்ப வேண்டிய முகவரி Sr. Manager / HR - IR & Rectt., HR department, 24 Building,BHEL,Thiruverumbur,Tiruchirappalli - 620014.முக்கிய நாட்கள்
| விவரம் | தேதிகள் |
| விண்ணப்பிக்க கடைசி நாள் | 11.06.2025 |
| தபால் மூலம் வந்து சேர வேண்டிய கடைசி நாள் | 11.06.2025 |
| நேர்காணல் | தேர்வு செய்யப்பட்டவர்களுக்கு அறிவிக்கப்படும். |
பாரத் ஹெவி எலக்ட்ரிக்கல்ஸ் நிறுவனத்தில் உள்ள இப்பணியிடங்களுக்கு விண்ணப்பிக்க விரும்புகிறவர்கள் மேல் குறிப்பிட்டுள்ள விவரங்களின் அடிப்படையில் ஆனலின் வழியாக விண்ணப்பிக்க வேண்டும். இப்பணியிடங்கள் குறித்த விவரங்களை அறிவிப்பில் அறிந்துகொள்ளலாம்.
0 Comments