SMART CARD TYPE CHANGE IN TAMIL | SUGAR CARD TO RICE CARD CHANGE | TNPDS

 

சர்க்கரை ரேஷன் அட்டைதாரர்கள், அரிசி அட்டைக்கு மாற விண்ணப்பிக்கலாம் - தமிழக அரசு அறிவிப்பு!

தமிழகத்தில் சர்க்கரை பெறும் ரேஷன் அட்டைதாரர்களாக இருந்தால் அவர்கள் தங்கள் அட்டைகளை அரசி அட்டைகளாக மாற்றிக்கொள்ள விண்ணப்பிக்கலாம் என்று தமிழக உணவுத்துறை காமராஜ் செய்தி அறிக்கை ஒன்றை வெளியிட்டுள்ளார்.

ரேஷன் அட்டை:

மத்திய மற்றும் மாநில அரசின் மானியங்களால் ரேஷன் கடைகளில் நாடு முழுவதும் மக்களின் அத்தியாவசியத் தேவையான அரிசி, சர்க்கரை, மண்ணெண்ணெய், கோதுமை உள்ளிட்ட பல சரக்குப் பொருட்கள் குறைந்த விலையில் வழங்கப்படுகிறது. இதற்காக மக்களுக்கு ரேஷன் அட்டை வழங்கப்பட்டுள்ளது. தமிழகத்தில் சர்க்கரை அட்டை என்று ஒன்று உள்ளது. இந்த அட்டை வைத்திருக்கும் குடும்பத்தினர் அரசு இலவசமாக வழங்கும் அரசியினை வாங்கிக் கொள்ள முடியாது.

தமிழகத்தில் மொத்தம் 5,80,298 அட்டைகள் சர்க்கரை அட்டைகளாக உள்ளன. இவர்களில் பலரும் தங்களது அட்டைகளை அரசி அட்டைகளாக மாற்ற வேண்டும் என்று கோரிக்கை வைத்து வந்ததால் தற்போது தமிழகத்தின் உணவுத்துறை அமைச்சரான காமராஜ் ஒரு செய்தி குறிப்பினை வெளியிட்டுள்ளார். செய்தி குறிப்பில் கூறியிருப்பதாவது, "தமிழகத்தில் சர்க்கரை அட்டை வைத்திருப்போரில் பெரும்பாலானோர் அரசி அட்டைகளாக தங்களது அட்டைகளை மாற்றி தர வேண்டும் என்று கோரிக்கை விடுத்தனர்".

"இதனை அடுத்து சர்க்கரை அட்டை வைத்திருப்பவர்கள் தங்களது அட்டைகளை தகுதியின் அடைப்படையில் அரிசி அட்டைகளாக மாற்ற வேண்டும் என்றால் தங்களது குடும்ப அட்டையின் நகலை எடுத்து www.tnpds.gov.in என்ற இணையதள முகவரிக்கு அனுப்பலாம். அதனை இன்று முதல் அனுப்பலாம். அனுப்ப வேண்டிய கடைசி நாள் 20 ஆம் தேதி ஆகும். இணையதள முகவரியில் அனுப்ப முடியாதவர்கள் சம்மந்தப்பட்ட வட்ட வழங்கல் அலுவலர் மற்றும் உதவி ஆணையரிடம் சமர்ப்பிக்கலாம். அவ்வாறு விண்ணப்பிக்கப்படும் நபர்களின் அட்டை தகுதியின் அடிப்படையில் அரிசி அட்டைகளாக மாற்றம் செய்து தரப்படும்" இவ்வாறாக தெரிவிக்கப்பட்டுள்ளது.

ஸ்மார்ட் ரேஷன் கார்டு வகையை எப்படி வகையைக் கண்டறிவது:

தமிழ்நாட்டில் ரேஷன் கார்டுகள் 5 வகையாக உள்ளன. 

PHH - முன்னுரிமை உள்ளவர்கள்: உங்கள் ரேஷன் கார்டில் PHH என்று குறிப்பிடப்பட்டு இருந்தால் நியாய விலைக் கடையில் அரிசி உட்பட அனைத்துப் பொருட்களை வாங்க முடியும். இந்த வகையில் மட்டும் 76,99,940 கார்டுகள் உள்ளன.

PHH - AAY: ரேஷன் கார்டில் PHH - AAY என்று குறிப்பிட்டு இருந்தால் 35 கிலோ அரிசி உட்பட அனைத்துப் பொருட்களையும் பெறலாம். இந்தக் கார்டை 18,64,600 குடும்பங்கள் பயன்படுத்தி வருகின்றனர்.

NPHH - முன்னுரிமை இல்லாதவர்கள்: உங்கள் ரேஷன் கார்டில் NPHH என்று குறிப்பிடப்பட்டு இருந்தால் நியாய விலைக் கடையில் அரிசி உட்பட அனைத்துப் பொருட்களை வாங்க முடியும். இந்த வகையில் மட்டும் 90,08,842 கார்டுகள் உள்ளன.

NPHH-S: ரேஷன் கார்டில் NPHH-S எனக் குறிப்பிட்டு இருந்தால் அரிசியை தவிர சர்க்கரை உள்ளிட்ட பொருட்களை மட்டும் வாங்கலாம். இந்த கார்டை 10,01,605 குடும்பங்கள் வைத்துள்ளனர்.

NPHH-NC: ரேஷன் கார்டில் இந்தக் குறியீடு இருந்தால் எந்த ஒரு பொருளும் கிடைக்காது. ஒரு அடையாள அல்லது முகவரிச் சான்றாக மட்டுமே பயன்படுத்த முடியும்.